Zabbuli 62:3 - Baibuli Ekibono kya Katonda 2014

³ Imwe, mulirekera li okulumba omuntu nga mwenda okumutemula, waire ng'omuntu oyo munafu ng'oti n'ekimante ekyeghendheike, era ng'oti n'olukomera oluja okugwa?

Zabbuli 62:3 ပူးပေါင်းရင်းမြစ်များ

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 140:2

abayiiya okukola ebibi, ni basiikuula entalo ekiseera kyonakyona.

Zabbuli 16:8

Buli kaakyeire ndidhi nga Musengwa Katonda andi kumpi era ghazira kisobola kuntengeesa, kuba andi ghano gheene gha mukono gwange omusaadha.

Zabbuli 18:3

Ndirira Musengwa Katonda okumbeera, era yaidha yamponia abazigu bange Agwaniire okusaakibwanga.

Zabbuli 21:11

Waire bategeka okumukola akabi oba okuyiiya ngeri y'okumutegamu, entegeka dhaibwe tidhirituukirira;

Zabbuli 38:12

Abo abenda okundhita bantega entuula dhaibwe; abo abenda ngwe mu bizibu beekobaana bwe banaakola okunzikiriza, olunaku lwonalwona baalumala nga bategeka bwe banandyamu olukwe.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Zabbuli 82:2

“Mulituusa gha okusalirizanga emisango, n'okwekubiranga ku luuyi olw'abakozi b'ebibi?

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 16:28

Musengwa Katonda yaakoba Musa ati: “Mulirekera li okudheemera amateeka gange n'ebiragiro?

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 6:9

Imwe abagayaavu, muja kulambaala kutuuka li? Muja kuzuuka li mu ndoolo dhaimwe?

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Hosea 7:15

Waire nga ninze eyabagundhula ni mbaleetera okuba ab'amaani, aye era bayiiya bwa kukola bibi ye ndi.

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Ebikolwa by'Abatume 24:9

Abayudaaya boona baamusemba nga baakoba bati bino byonabyona byali bituufu.

1 Samueli 26:10

Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.