Zabbuli 62:2 - Baibuli Ekibono kya Katonda 2014

² Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 62:2 ပူးပေါင်းရင်းမြစ်များ

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 21:1

Wo Musengwa Katonda, olw'amaani go kyabazinga asangaire; era olw'obuyambi bwo asagambira ghaigulu.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 37:24

Ni bw'agwa, taja kuweera ku itaka, kuba Musengwa Katonda amugema ku mukono.

Zabbuli 37:39

Musengwa Katonda alokola abo abatuufu, era abakuuma mu biseera ebizibu.

Zabbuli 59:17

Niiwe amaani gange, niiwe ye ningiriireku, kuba iwe Katonda wange, niiwe ye neesiga, Katonda angonza obutalekera.

Zabbuli 59:9

Niiwe amaani gange, niiwe ye ningiriireku, kuba iwe Katonda wange, niiwe ye neesiga.

Zabbuli 62:6

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 89:26

Daudi oyo aidha kundhetanga ati, ‘Niiwe Lata era niiwe Katonda wange; niiwe onkuuma era niiwe ondokola.’

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Okulira 3:26

Kale kiba kikalamu ole yaasirika, yaateegerera obulokozi obuva eri Musengwa Katonda.

1 Ab'e Korintho 10:13

Ghazira kulebwa kubatuukaku, okutatuuka ku bantu bandi. Aye Katonda tasubagha, taja kuganha kulebwa kwe mutasobola kubatuukaku. Mu kiseera eky'okulebwa aidha kubaghanga amaani ag'okubigumira era n'amagezi ag'okubighangula.