Zabbuli 62:12 - Baibuli Ekibono kya Katonda 2014

¹² era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Zabbuli 62:12 ပူးပေါင်းရင်းမြစ်များ

1 Ebyomubyanda 29:12

Niiwe ogaba obukombe n'ekitiibwa. Niiwe ow'amaani n'obuyinza, afuga ebintu byonabyona, era aleetera abantu okuba abakologho, era ab'amaani.

Yobu 33:14

Ekituufu kiri nti Katonda ayogera mu nsambo eno oba ere, aye ng'abantu tibeeteerayo mwoyo ku ky'akoba.

Yobu 34:11

Kuba aja kugha kiisi muntu empeera ng'ajiira ku muntu oyo bye yakola. Alibisa kiisi muntu ng'ajiira ku muntu oyo bwe yeebisa.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 9:19

Bwe kuba kwegera maani, mwene yenka n'aligho! Bwe kuba kuwoza musango, naani aghanga okumweta, n'aganha okwidha okuwoza?

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 103:8

Musengwa Katonda asaasira era wa kivunika, alwagho okusungughala era yaagonza inho abantu obutalekera.

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Ezekieli 18:30

“Nze Musengwa Katonda ndi kubakobera imwe Abaisiraeli, nti ndisalira buli muntu ku imwe omusango nga njiira ku bikolwa bye. Mwenenie mukyuke muve mu bibi byaimwe byonabyona, olwo ebibi byaimwe ebyo lwe bitaabaviiremu kuzikirira.

Ezekieli 33:20

Imwe mumala mwakoba muti nze Musengwa Katonda mu nkola yange tisala nsonga mu butuufu. Aye ndi kubakobera imwe Abaisiraeli, nti ndisalira buli muntu ku imwe omusango nga njiira ku bikolwa bye.”

Ezekieli 7:27

Kyabazinga alirira amaziga, abakungu bawaamu eisuubi, n'abantu boonaboona baadhugumira olw'okutya. Ndibabonereza nga njiira ku bye mwakola, era ndibasalira omusango nga bwe mwagusalira abandi. Olwo mwenamwena mulimanha nga ninze Musengwa Katonda.”

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Ab'e Roma 2:6

Kuba aligha empeera kiisi muntu nga ajiira ku bikolwa bye.

1 Ab'e Korintho 3:8

Oyo asimba ayagayaga n'oyo afukirira era Katonda alisasula buli muntu olw'omulimo gwe yakola.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Ab'Efeso 6:8

Mumanhe muti buli muntu, oba mwiru oba ti mwiru, Musengwa alimusasula buli kikalamu ky'akola.

Ab'e Kolosai 3:25

Omuntu yeenayeena akola ekibi alisasulwa olw'ekibi kye aghazira kusaliriza.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

Okwolekebwa 22:12

“Bona, ndi kwidha mangu. Ndidha n'empeera nsasule buli muntu, nga njiira ku bye yakola.