Zabbuli 62:1 - Baibuli Ekibono kya Katonda 2014

¹ Nteegerera Katonda n'obuguminkiriza aidhe andokole; oyo n'omulokozi wange yenka.

Zabbuli 62:1 ပူးပေါင်းရင်းမြစ်များ

1 Ebyomubyanda 25:1

Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 25:3

Mu bantu abaasimuka mu Yeduthuni, baalondamu batabane ba Yeduthuni oyo omukaaga bano: Gedalia, Zeri, Yeshaia, Shimei, Hashabia, ni Mattithia. Iseibwe oyo Yeduthuni n'eyakulemberanga, baalangiriranga obukwenda bwa Musengwa Katonda, nga bemba enhembo edh'okumwebaza n'okumusaaka nga bwe bakubiraku endingidi.

Zabbuli 121:2

Musengwa Katonda n'ambeera, oyo eyakola eigulu n'ensi.

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Zabbuli 25:5

Ndagirira era ondhegerese okutambulira mu mazima go, kuba niiwe Katonda era omulokozi wange mwe nsuubirira buliidho.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 33:20

Eisuubi lyaife liri mu Musengwa Katonda; oyo n'atubeera era oyo n'engabo yaife.

Zabbuli 37:39

Musengwa Katonda alokola abo abatuufu, era abakuuma mu biseera ebizibu.

Zabbuli 37:7

Sirikanga ng'oli aghali Musengwa Katonda, oteegerere ky'anaakola. Ole ebintu ni bwebimujiira obukalamu, oba n'afuna ebintu ng'abita mu magira amabi, otafangayo.

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Zabbuli 40:1

Eisuubi lyange lyonalyona nalita mu Musengwa Katonda era yaatega kutu yaawulira okulira kwange.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 65:1

Wo Katonda waife, tusaine tukusaakenga mu Sioni, era kiisi yeeyama y'oli asaine atuukirizenga kye yeeyama

Zabbuli 77:1

Ndirira Katonda; mmulirira nga nhenda ampulirise.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Yeremia 3:23

Okusinza kwe twasinzanga ku busozi, n'okwasiikana kwe twayasiikananga ku nsozi, bwenebwene byali bya kwerimba. Mu butuufu Musengwa Katonda waife ni yenka alokola Isiraeli.’

Okulira 3:25

Musengwa mulungi eri abo abamwesiga, mulungi eri omwoyo ogufaayo okukola by'ayenda.

Okulira 3:38

Ghaligho ekirungi oba ekibi ekigwagho ng'oyo Ali Ghaigulu Yeene ti n'akiragiire?

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.