Zabbuli 58:9 - Baibuli Ekibono kya Katonda 2014

⁹ Katonda agwana yaabasaaniagho amangu geene, nga n'entamu ekaali kuwulira muliro gwa mawa, ka gabe amabisi oba agali kwaka.

Zabbuli 58:9 ပူးပေါင်းရင်းမြစ်များ

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Yobu 27:21

Empewo eva e buvandhuba emubbeeda yaaja naye, yaamweyaagho gh'aba.

Yobu 3:16

Nandibaire nga ntooleibwagho ng'oti n'ekintu ekiviire mu nda eviiremu obuve, oba naaziikibwa ng'oti n'omwana azaalibwa nga mufu, atabona ku ndhuba naire.

Zabbuli 10:2

Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 10:5

Omukozi w'ebibi kiisi ky'agemaku kimulamira. Tafaayo ku nsambo Katonda y'asaliramu bantu misango, era abazigu be ababona ng'omuzira kantu.

Zabbuli 118:12

Baaneebungaku ng'oti muzinga gwa ndhuki, aye baazikira mangu ng'oti muliro gwa isandha, olw'amaani ga Musengwa Katonda boonaboona naabamulungula.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Ensambo 1:27

Ebitiisa lwe biribaidhira ni bibeeyughaku ng'oti kiwunga, obuzibu obutaloodheka ni bubeezungulula ng'oti n'empewo eyeezungulula n'amaani, ni bibaleetera okulumwa n'okweinhamira,

Ensambo 10:25

Kiwunga bw'akunta ababi basaanagho, aye abatuufu basigalagho nga bagumu begulugulu.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Omulangirizi 7:6

Kuba, ng'enku edh'amawa bwe dhitulikatulika mu ziiko ghansi gh'entamu, n'enseko edh'abasiru dhityo bwe dhiwulikana, dhaaloba kubaamu makulu naire.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Yeremia 23:19

Bona, obusungu bwa Musengwa buli ng'oti kiwunga, era buli ng'oti n'empewo ey'amaani erifuuwa nga yeezungululira ku mitwe gy'ababi.

Okubala 16:30

Aye Musengwa Katonda bw'anaakolagho ekintu ekitabangaghooku, eitaka ni lyasama ni libamira beene n'ebyaibwe byonabyona, ni bawolomera mu magombe nga balamu, mwidha kumanha ng'abantu abo baanhooma Musengwa Katonda.”