Zabbuli 58:11 - Baibuli Ekibono kya Katonda 2014

¹¹ Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Zabbuli 58:11 ပူးပေါင်းရင်းမြစ်များ

Zabbuli 107:42

Bino abatuufu babibona baasangaala, aye abakozi b'ebibi baabula eky'okwogera.

Zabbuli 18:20

Yansasula ng'ajiira ku butuufu bwange; yampa enkabi dhe kuba nziraku musango.

Zabbuli 33:18

Bona eno, Musengwa Katonda alabirira abo abamutya, era abo abasuubirira mu kugonza kwe okutakoma

Zabbuli 52:8

Aye nze ndi ng'oti n'omuti omwoliva omugimu, ogukulira mu ndhu ya Katonda. Nkakasa nga Katonda aidha kungonzanga obutalekera ebyanda n'ebyanda.

Zabbuli 64:9

Olwo abantu boonaboona baja kutya, baghaye ku ebyo Katonda bye yakola, era bisigale ku myoyo gyaibwe nga babidhuuba.

Zabbuli 67:4

Imwe amaghanga mwenamwena musangaale era mwembe olw'eisanhu, kuba Katonda asalira abantu emisango ng'aziramu kyekubira, era yaafuga amaghanga goonagoona ag'oku nsi.

Zabbuli 68:24

Abantu boonaboona babona nga bw'otambula n'ekitiisa iwe Katonda, otambula iwe Katonda wange era kyabazinga wange, ng'oingira mu kifo kyo ekitukuvu.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Zabbuli 9:8

Asalira ensi omusango mu butuufu, era asalira abantu omusango nga tasaliriza.

Zabbuli 92:15

Kino kyoleka nga Musengwa Katonda bw'aziramu kwekubira, oyo n'ankuuma, era aziramu bukyamu bwonabwona.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.