Zabbuli 58:10 - Baibuli Ekibono kya Katonda 2014

¹⁰ Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 58:10 ပူးပေါင်းရင်းမြစ်များ

Yobu 22:19

Abatuufu basangaala n'abaziraku musango baaseka, bwe babona ababi nga babonerezebwa.

Yobu 29:6

Ng'amata ge ndi nago nganaabya bwa bigere, olw'obungi. Nga n'olubaale ludhuluudha omuzigo gwe baakamulirangaku, mu bibala eby'emiti gyange emyoliva.

Zabbuli 107:42

Bino abatuufu babibona baasangaala, aye abakozi b'ebibi baabula eky'okwogera.

Zabbuli 52:6

Abatuufu bwebalibona ebyo ensisi eribagema, baakuseka nga bakoba bati:

Zabbuli 64:10

Abatuufu ka basagambe, kuba Musengwa Katonda by'abakoleire bikulu, era ka beeyune gh'ali bawone abazigu. Abo abagondera ebiragiro bya Katonda ka basaake Musengwa Katonda.

Zabbuli 68:23

memale mutyankirire omusaayi gwaibwe, n'embwa dhaimwe dhigunhwe okutuusa ku nkooye.”

Zabbuli 91:8

Iwe olitaagho bwa maiso, waabona abakozi b'ebibi nga bwebabonerezebwa.

Ensambo 10:25

Kiwunga bw'akunta ababi basaanagho, aye abatuufu basigalagho nga bagumu begulugulu.

Ensambo 11:10

Abantu ab'ekibuga basagamba ng'ebintu biri kujiira abatuufu bukalamu, era bakuba emizira ng'ababi bazikiriire.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

Okwolekebwa 14:20

Emizabbibu gyakunhirwa mu ikunhiro kuliya kw'ekibuga, mwavaamu omusaayi gwakuuluula ng'amagulu ag'embalaasi eyemereire gabuliramu, gwakuuluula kilo mita ng'ebikumi bisatu (300).

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.