Zabbuli 55:23 - Baibuli Ekibono kya Katonda 2014

²³ Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 55:23 ပူးပေါင်းရင်းမြစ်များ

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

Yobu 15:32

Alikala mangu ng'ekiseera kye kikaali; taliiramu kusibuka ng'oti lusaga.

Zabbuli 112:6

Omuntu atya Katonda ghazira kisobola kumutengeesa; aidha kwidhukirwanga ebyanda n'ebyanda.

Zabbuli 121:3

Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 5:6

Ozikiriza abo boonaboona abaguya waakyagha abaisi n'abaghaayiriza.

Zabbuli 58:9

Katonda agwana yaabasaaniagho amangu geene, nga n'entamu ekaali kuwulira muliro gwa mawa, ka gabe amabisi oba agali kwaka.

Zabbuli 66:9

Atugha obulamu yaatukuuma, era tatuganha kugwa.

Zabbuli 73:18

Bwenebwene iwe obata aghali obutyerezi, waabaleetera okugwa baazikirira.

Ensambo 10:27

Okutya Musengwa Katonda kuleetera omuntu okughangaala, aye emyaka egy'ababi gisalibwaku.

Ensambo 15:11

Oba nga ebiri e magombe eri okuzikirira Musengwa Katonda abibona bukalamu, memale obwo ebiri mu myoyo gy'abantu by'ataamanhe?

Ensambo 27:20

Ng'amagombe bwe gatalekera kumira bafu, n'amaiso g'omuntu goona gatyo bwe gataiguta kubona.

Omulangirizi 7:17

Aye era otabitirizanga kuba mwonooni, waire okuba omusiru. Oidha kufa ng'entuuko dho dhikaali.

Isaia 38:17

Bwenebwene okuba n'enaku enhingi nakufunamu omuganhulo; kuba iwe olw'okungonza einho wamponia amagombe agazikiriza, wansonigha ebibi byange byonabyona.