Zabbuli 55:21 - Baibuli Ekibono kya Katonda 2014

²¹ Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Zabbuli 55:21 ပူးပေါင်းရင်းမြစ်များ

2 Samueli 16:19

Ate n'ekindi, naani owundi ye ngwaniire okugheereza okutoolaku mutabane wa musengwa wange? Nga bwe nagheerezanga lata wo, era ntyo weena bwe ndidha okukugheerezanga.”

Yobu 41:3

Enaakwegayirira ogireke eje? Enaayogera n'iwe bukalamu ogisaasire?

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 28:3

Otantwaliza ghalala n'ababi, n'abo abakozi b'ebibi aboogera obukalamu ni banaibwe, ate nga mu myoyo gyaibwe baidhwire enge.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Zabbuli 62:4

Kye mutegeka kyonka, n'okumusuula ave mu kitiibwa kye; mwenda inho okuguya. Ghano ku munwa mwogera ng'oti mumwendeza nkabi, ate nga munda mule muli kumukolimira.

Zabbuli 64:3

Bakozesa enimi dhaibwe ng'oti mpiima, baakozesa ebibono ebikambwe ng'oti bulaso bwa busagwa.

Ensambo 12:18

Omuntu ayogera nga tasoose kulowooza, ebibono bye bifumita ng'oti mpiima, aye ebibono ebyogerwa n'amagezi biwonia.

Ensambo 26:28

Omuntu omuguya, aba yakyagha abo b'aguya. Era okusuutasuuta omuntu kumuleetera kuzikirira.

Matayo 26:25

Yuda, eyamulyamu olukwe, yaakoba ati: “Mwegeresa, otakoba oti ninze?” Yaamukoba ati: “Niiwe okyogeire.”

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

1 Samueli 18:22

Era Saulo yaalagira abagheereza be ati: “Mwogere ni Daudi eyo nga muli mu kyama, mumukobe muti, ‘Bona eno, kyabazinga akusiima, n'abagheereza be boonaboona bakugonza. Kale ni kola obe mukoirume wa kyabazinga.’ ”