Zabbuli 55:17 - Baibuli Ekibono kya Katonda 2014

¹⁷ Enkyo, n'omusana, n'eigulo, mmukobera ebiinuma, n'ebindeetera okusinda era aidha kumpulira.

Zabbuli 55:17 ပူးပေါင်းရင်းမြစ်များ

Yobu 19:7

“Bona, ndi kwasiikana nti, ‘Bandhita’, aye ghaabula ampulira; ndi kukuba enduulu aye ghazira ali kumbisa mu butuufu.

Zabbuli 119:62

Mu bwire ghagati nsituka, naakusaaka olw'ensala yo entuufu eziramu kwekubira.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Zabbuli 72:12

Kuba abeera omunaku ng'amuliriire, era yaayamba n'omwavu aziraku amugha.

Zabbuli 77:2

Bwemba mu bizibu nsaba Musengwa Katonda; obwire bwonabwona mpanika amakono gange nga tiwulira na kuluyirira, aye naabulwa ansaasiraku.

Zabbuli 88:13

Wo Musengwa Katonda, aye nze nkulirira, era buli nkyo nkusaba.

Zabbuli 92:2

Era kigwaine buli nkyo okukoberanga abantu nga bw'obagonza obutalekera, na buli igulo okubamanhisanga nga bw'oli omwesigwa;

Okulira 3:8

Mba agho naamusaba nga ndira, aye yaaloba okuwulirisa okusaba kwange.

Danieli 6:10

Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

Danieli 6:13

Agho baakoba kyabazinga bati: “Danieli oyo, omulala ku bantu abaanhagibwa e Buyudaaya, takutaamu kitiisa iwe Isebantu waire okugondera ekiragiro kye wataaku ekinkumu. Era asaba Katonda we emikuzi esatu buli lunaku.”

Mariko 1:35

Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Mariko 6:46

Bwe yamala okubasiibula, yaaja ku lusozi okusaba.

Mariko 6:48

Yaabalengera nga bali kufaabiina n'enkasi kuba empewo yali ebava mberi, era agho nga buli kumpi okukya yaabatuukaku ng'ali kutambulira ku maadhi. Yaayenda okubabitaku,

Ebikolwa by'Abatume 10:3

Lwali lulala, esaawa ng'oti mwenda edh'omusana malaika wa Katonda yaamubonekera bukalamu era yaamweta ati: “Korunelio.”

Ebikolwa by'Abatume 10:30

Korunelio yairamu ati: “Enaku ina edhibiseegho, nali ndi mu nhumba yange nga ndi kusaba ku saawa eyomwenda. Mangu ago, naabona omusaadha ng'avaire engoye edhimesunkana ng'ayemereire mu maiso gange.

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Ebikolwa by'Abatume 3:1

Agho olwatuuka Petero ni Yoanne baaniinaniina okuja mu isinzizo ku saawa omwenda, esaawa ey'okusaba.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

1 Ab'e Thessalonika 5:17

musabenga buliidho

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.