Zabbuli 51:4 - Baibuli Ekibono kya Katonda 2014

⁴ Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Zabbuli 51:4 ပူးပေါင်းရင်းမြစ်များ

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

Amainhama 38:7

Aye Eri, omwana omuberi owa Yuda, yali wa mpisa mbi mu maiso ga Musengwa Katonda; kale Musengwa Katonda yaamwita.

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Amainhama 9:6

Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Zabbuli 50:4

Ayeta eby'omu igulu ghaigulu n'eby'oku nsi, okubaagho ng'asalira abantu be omusango.

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Abalevi 5:19

Ekyo n'ekigheebwayo ng'omutango olw'ebibi omuntu oyo bye yakola mu maiso ga Musengwa Katonda.”

Luka 15:21

Omwana yaamukoba ati, ‘Lata, nayona mu maiso ga Katonda ni mu maiso go, tikaagwanira na kwetebwa mutabane wo.’

Luka 7:29

Abantu boonaboona baamuwulira, era abaghooza ab'omusolo baamanha obutuufu bwa Katonda, Yoanne yaababatiza.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”

Yakobo 2:11

kuba eyakoba ati: “Otayendanga,” era n'omulala eyakoba ati: “Otaitanga.” Bw'otayenda aye n'oita, oba ofuuse mumenhi wa mateeka.

Yakobo 2:9

Aye bwe muboola abantu olw'emboneka yaibwe muba mukoze ekibi, era muba muli bamenhi ba Mateeka.

Okwolekebwa 16:5

Naawulira malaika ali n'obukumu ku maadhi ng'akoba ati: “Iwe omutukuvu aligho era eyaligho, bw'osala omusango tosaliriza.

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.