Zabbuli 51:19 - Baibuli Ekibono kya Katonda 2014

¹⁹ Olwo oidha kufuna emisengo gyene emituufu gy'osiima, olwo osanhukire mu bigheebwayo ebyokebwa, n'ebyo ebyokebwa ebiromba, n'ente enume dhigheebweyo ku alutaari yo.

Zabbuli 51:19 ပူးပေါင်းရင်းမြစ်များ

2 Bakyabazinga 22:19

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebyo bye nayogera ku kifo kino ni ku bantu abakibaamu, nga bwe balizikirira ni bafuuka ekibono abantu kye bakozesa okukolima. Kale ni mpuliire okusaba kwo.

Zabbuli 118:27

Musengwa Katonda ni Katonda, yatukolera ebirungi kamaala. Aleeni mutoolere ekibinuko nga mugemye ensaga, nga mukaadha okutuukira irala ku alutaari.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Zabbuli 4:5

Mughengayo emisengo mu butuufu, era mwesigenga Musengwa Katonda.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Malaki 3:3

Alityama okusala omusango ng'omufumbi w'ebyuma bw'akenenula feeza. Alisengeedha bakabona baidhukulu ba Levi yaabakenenula, ng'ole bw'akenenula zaabu ni feeza, okutuusa lwe balitoolera okughaayo ebigheebwayo ebituufu eri Musengwa Katonda.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.