Zabbuli 51:17 - Baibuli Ekibono kya Katonda 2014

¹⁷ Omusengo gw'osiima, n'omwoyo ogumenheike, Wo Katonda wange, omwoyo ogweneniiza era ogubonereire toligugaya naire.

Zabbuli 51:17 ပူးပေါင်းရင်းမြစ်များ

2 Bakyabazinga 22:19

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebyo bye nayogera ku kifo kino ni ku bantu abakibaamu, nga bwe balizikirira ni bafuuka ekibono abantu kye bakozesa okukolima. Kale ni mpuliire okusaba kwo.

Zabbuli 102:17

Aliwulira okusaba kw'abantu be abanaku, era yaawulirisa okweghemba kwaibwe.

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 22:24

kuba taloba kufaayo oba okutuumya amaiso oyo adaaga; bwenebwene tamulekulira agho, aye amuwulirisa buli lw'amulirira.

Zabbuli 34:18

Abo abawoiremu amaani, Musengwa Katonda tabasuulirira, era alokola abo abaweireiremu irala eisuubi.

Okuvaayo 37:22

Ekintu ekyo ekiri ng'oti kimuli, n'ensaga, n'ekikondo kyene, byakolebwa nga byegemeire ghalala mu zaabu omukenenule, nga ghazira kyawukaineku.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Ezekieli 9:6

Muje nga mwita abakaire, abaisuka, abaghala abaguna, abaana abato, n'abakazi. Aye mutagema ku muntu yeenayeena aliku kamanhiso. Era mutandiikire ghano ku isinzizo lyange.” Kale baatandiikira ku bakulembeze abaali agho gha isinzizo.

Amosi 5:21

Musengwa Katonda akoba ati: “Nsiniirwa era tibona makulu mu bibinuko byaimwe. Era timuunhoonha naire, bwe mwesoloza okwidha okunsinza.

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Mariko 12:33

era nti okumugonza n'omwoyo gwonagwona, n'okutegeera kwonakwona, n'amaani goonagoona, era n'okugonza mwino nga iwe bwe weegonza, kisinga ebigheebwayo byonabyona ebyokebwa ni biweekereragho, n'emisengo gyonagyona egigheebwayo ye Katonda.”

Luka 15:10

Kale ka mbakobere: Ebaayo okusagamba mu bamalaika ba Katonda olw'omwonooni omulala eyeenenia.”

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.