Zabbuli 48:11 - Baibuli Ekibono kya Katonda 2014

¹¹ Abantu ab'oku lusozi Sioni ka basanhuke, n'ab'omu bibuga bya Yuda basagambe; kuba osala ensonga mu butuufu.

Zabbuli 48:11 ပူးပေါင်းရင်းမြစ်များ

Zabbuli 58:10

Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 97:8

Ab'e Sioni bawulira era baasangaala, n'ab'omu bibuga bya Buyudaaya basagamba olw'ensala yo iwe Musengwa Katonda.

Olwembo 1:5

Imwe abaghala ab'e Yerusalemu, nze ndi mwirugavu aye mboneka bulungi, ng'oti ni weema edh'e Kedari era ng'oti n'ensuubo edh'omu kisaagaati kya Kyabazinga Solomoni.

Olwembo 2:7

Imwe abaghala ab'e Yerusalemu, ndi kubakoba mulayire empuuli n'empongo edh'omu nsiko, muti timwidha kutabulatabula, waire okusiikuula okugonza kwaife, okutuusa nga ife beene twenze.

Olwembo 3:5

Imwe abaghala ab'e Yerusalemu, ndi kubakoba mulayire empuuli n'empongo edh'omu nsiko, muti timwidha kutabulatabula waire okusiikuula okugonza kwaife, okutuusa nga ife beene twenze.

Olwembo 5:16

By'ayogera biwooma okuwulirisa, era yeenayeena nga bw'ali ansanhusa. Imwe abaghala ab'e Yerusalemu, atyo bw'ali omugonzi, era oyo ni mukagwa wange.

Isaia 37:22

Era bino Musengwa Katonda oyo by'akoba ku kyabazinga Sennakeribu oyo, ati, ‘Ekibuga Sioni kikunhoomye kyakusekerera iwe Sennakeribu; era ekibuga ekyo Yerusalemu kikukongoire.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Luka 23:28

Yesu yaakyuka yaabakoba ati: “Bakazi imwe ab'e Yerusalemu mutalira nze, aye mwerire beene n'abaana baimwe

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.