Zabbuli 44:19 - Baibuli Ekibono kya Katonda 2014

¹⁹ Aye otutenteine era waatuleka mu nsolo edh'omu nsiko, mu nzikiiza eri bedimudimu.

Zabbuli 44:19 ပူးပေါင်းရင်းမြစ်များ

Yobu 23:11

Ntambulira mu ngira y'abitamu, era tigivaamu kudaaliima.

Yobu 3:5

Enzikiiza etiisa einho erutwale. Ekire kiruwembeku endhuba erobe kulwakaku, lwidhule okutya.

Yobu 30:29

Nafuuka muganda wa bibe, nsama busame oti byene; era naafuuka mukagwa wa maaya, nkyolya bukyolye.

Zabbuli 23:4

Era ni bwemba nga ndi kutambulira mu kikonko ekiidhwire enzikiiza etiisa ng'oti kufa, ezira kibi kye ntyamu, kuba iwe oli ninze. Mpulira emiraala bw'oba ng'ogemye omwigo gwo ogunkuuma, era ng'ogemye n'ogwo ogundholeka engira.

Zabbuli 38:8

Banteinteine inho era amaani gampoire; mu mwoyo nzira idembe, mba bwagho naawologoma n'obulumi.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 35:7

Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 13:2

Ekisolo ekyo kye nabona kyali kiboneka ng'oti mpala. Ebigere byakyo nga biri ng'oti n'eby'ekisolo ekikambwe, ate omunwa gwakyo nga guli ng'oti gwa mpologoma. Ogusota gwagha ekisolo ekyo amaani gaagwo, n'ekityamo kyagwo ky'obwakyabazinga, n'obuyinza bungi.

Okwolekebwa 16:10

Malaika owokutaanu yaayugha ekibya kye ku kityamo eky'obwakyabazinga eky'ekisolo. Obwakyabazinga bwakyo bwagema enzikiiza, abantu beerumaluma enimi olw'obulumi,