Zabbuli 44:15 - Baibuli Ekibono kya Katonda 2014

¹⁵ Nnhoomebwa olunaku lwonalwona, era tikaayala mu bantu,

Zabbuli 44:15 ပူးပေါင်းရင်းမြစ်များ

1 Bakyabazinga 9:7

olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Yobu 17:6

“Nfuuliibwa nseko dha balamu, era abantu ye bafuudhaku amatanta.

Zabbuli 69:7

Ku lulwo abantu banvuma, era tikaayala na mu bantu.

Zabbuli 71:13

Abo abaanumba baswaze era obazikirize. Abo abagezaaku okuntuusaaku ebizibu, baswalize irala era banhoomebwe.

Zabbuli 89:45

Omuleeteire okukairigha ng'akaali muto, waamuleetera okuswala einho.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 51:51

Imwe mukoba muti, ‘Baatuvuma era baatuswazaswaza inho. Ensoni dhaatugema ira, kuba abagwira bangira baatwala ebifo ebitukuvu eby'omu isinzizo.’

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”