Zabbuli 37:35 - Baibuli Ekibono kya Katonda 2014

³⁵ Ghaligho omuntu omubi ye nabona ng'atiisa abantu boonaboona baadhugumira, era ng'abaswikiriire boonaboona ng'oti n'emivule egy'omu Lebanoni emireeyiriri.

Zabbuli 37:35 ပူးပေါင်းရင်းမြစ်များ

2 Samueli 18:14

Yoabu yaakoba omusaadha ati: “Tiidha kumalira biseera byange ku iwe.” Kale yaatoola obusaale busatu, yaabulasa bwafumita Abusalomu mu kifuba ng'akaali mulamu mu muti omukologho.

2 Samueli 18:15

Olwo abaisuka ba Yoabu ikumi abaamugemeranga eby'okulwanisa bye, beezungulula Abusalomu, baamukuba baamwita.

Yobu 5:3

Nabona omusiru eyambonekera okuba obulungi, aye nze mu kiseera kyene ekyo, naakolimira ekifo mw'aba.

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Ezekieli 31:18

“Mu miti gyonagyona egy'omu Edeni, nnaakugeza ku guli gha, mu kitiibwa ni mu bukologho? Aye era weena oliika ghansi ghalala n'emiti egy'omu Edeni, waaba eyo mu nsi ey'abafu ghalala n'abatatya Katonda abo abataali bakekete abaitirwa mu lutalo. “Omuti ogwo ni kyabazinga wa Misiri n'abantu be boonaboona. Nze Musengwa Katonda ninze nkobye.”

Ezekieli 31:5

Olw'okufunanga obukalamu amaadhi, gwakula gwaleegherera inho ghaigulu okusinga emiti egindi gyonagyona egy'omu kibira ekyo. Ensaga dhaagwo dhaageedha era dhaaleegha.

Danieli 11:19

Agho kyabazinga oyo alikyusa yairayo mu bifo eby'okwewogomamu eby'omu nsi ye. Aye balimughangula era eyo n'eriba enkomerero ye.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 8:24

Aliba wa buyinza inho, aye ng'obuyinza obwo ti bubwe ku bubwe. Alireetagho okuzikirira okutiisa einho era byonabyona by'alikola birimujiira bukalamu. Alizikiriza abantu ab'amaani, n'abantu ba Katonda abatukuvu.