Zabbuli 37:25 - Baibuli Ekibono kya Katonda 2014

²⁵ Okuva mu buto, buti nkairiighe, aye tibonangaku nga Musengwa Katonda alekulira agho omutuufu, waire okubona ng'abaana ab'omutuufu basabiriza.

Zabbuli 37:25 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 4:7

“Mpegaano sooka oidhukire: wawuliraku omuntu aziraku musango ng'asaaniziibwagho, oba omuntu omutuufu ng'azikiriziibwa?

Zabbuli 109:10

Abaana be bagwananga baatambulatambula eyo batyo nga basabiriza, era baabingibwa mu bifulukwa mwe baba.

Zabbuli 112:2

Abaana be n'abaidhukulu baba ba maani mu nsi; oluse oluva mu muntu oyo atya Katonda luba lwa nkabi.

Zabbuli 25:13

Mwene anaabanga n'ebirungi kamaala, ate abaana be n'abaidhukulu balitwala ensi.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Zabbuli 59:15

Beewunhawunha ghano ni ghale nga baagala eky'okulya, era baatolotooma bwebaba nga tibaigwite.

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Zabbuli 94:14

Musengwa Katonda taja kusuulirira bantu be; taja kulekulira agho ighanga lye yeerondera.

Ensambo 13:22

Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Isaia 13:16

Abaana baibwe abaghere balibakuba ghansi, baabamanhiangula okutuusa okufa, nga balingiriire bulingirire. Endhu dhaibwe balidhinhagululamu ebintu, ni bakazi baibwe baabagema baabakaka.”

Ebikolwa by'Abatume 21:16

Abandi ku beegeresebwa ab'omu Kaisaria baatugherekeraku baatutuusa ew'omusaadha ayetebwa Munasoni ow'e Kupuro eyali ow'okutusuza, omulala ku beegeresebwa abaasooka.

2 Ab'e Korintho 4:9

Abantu batukiriga, aye Katonda tatwerabira. Tukubibwa ghansi, aye tituzikirizibwa.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.