Zabbuli 37:23 - Baibuli Ekibono kya Katonda 2014

²³ Musengwa Katonda alabirira obulamu bw'omuntu, era oyo akola Musengwa Katonda by'ayenda, Musengwa Katonda amukuuma.

Zabbuli 37:23 ပူးပေါင်းရင်းမြစ်များ

Zabbuli 119:133

Gumya ebigere byange ku itaka ndobe kugwa nga bwe wasuubiza; otaganha kibi kyonakyona kumpangula.

Zabbuli 119:5

Ha, kale ngoli neekuuma ni ntasobya, ni nkuuma by'olagira!

Zabbuli 121:3

Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 121:8

Musengwa Katonda aja kukukuumanga ng'ofuluma era akukuumenga ng'oingira, okuva buti n'okweyongerayo ebyanda n'ebyanda.

Zabbuli 17:5

Buliidho ntambulira mu ngira ye wandholeka, aghazira kugivaamu na kudaaliima.

Zabbuli 40:2

Yaanhinhulula mu lwina olw'okufa, yantoola mu bitosi eby'olutente, yaanhemereza ku lubaale, naatambula nga ndi mugumu.

Zabbuli 40:3

Yandeetera okumwembera olwembo oluyaaka, olwembo olw'okusaaka Katonda waife. Abantu kamaala balibona kino baatya, era baata obwesige bwaibwe mu Musengwa Katonda.

Zabbuli 85:13

Obutuufu bwa Musengwa Katonda bumukulemberamu, bwaja nga bukubira ebigere bye engira.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Ensambo 4:26

Tegekanga by'oja okukola byonabyona, olwo ghabulenga ekisoba mu byonabyona by'onaakolanga.

Yeremia 10:23

Wo Musengwa Katonda, ndidhi nti ghazira muntu ali na buyinza ku bulamu bwe, waire okuba n'obusobozi obubukuuma.

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.

1 Samueli 29:10

Kale ni enkyo wuuna buwuune n'abagheereza ba musengwa wo Saulo be waidha nabo, muje mangu geene ng'obwire bwakabona.”