Zabbuli 37:20 - Baibuli Ekibono kya Katonda 2014

²⁰ Aye ababi baja kufa; abazigu ba Musengwa Katonda abo baja kuwaagho mangu ng'oti munhiriro gwa isubi, era ng'oti n'omwosi bwegubulagho.

Zabbuli 37:20 ပူးပေါင်းရင်းမြစ်များ

Amainhama 19:28

Yaalinga e Sodoma n'e Gomorra, era ni mu biketezo eby'ekiiko yaabona omwosi nga gunioka ogugemye okuva mu biketezo ebyo, nga guli ng'oti n'omwosi ogw'oluyiira.

Zabbuli 102:3

Obulamu bwange buwaagho ng'oti mwosi; n'amagumba gange gaaya omuliro ng'oti gwa mu luyiira.

Zabbuli 68:2

Ng'empewo bw'efuuwa omwosi ni guvaagho, weena otyo bw'obe obafuumuule embiro baje. Ng'omuzigo bwe gusaanuuka nga guli gha muliro, n'ababi boona batyo bwe babe bazikirire, baweegho mu maiso ga Katonda.

Zabbuli 68:3

Aye abatuufu ka basangaale, basagambire mu maiso ga Katonda; ka basanhuke nga bakuba emizira.

Zabbuli 92:9

Wo Musengwa Katonda, ife twidhi ng'abazigu bo baja kuzikirira, abakozi b'ebibi boonaboona baja kusasika.

Ensambo 2:22

Aye Katonda aja kuzikiriza abakozi ab'ebibi, era abantu abateesigika abaiwululegho ng'oti bisimbe.

Abalevi 3:16

Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Luka 13:3

Busa, ka mbakobere imwe mwena bwe muteenenia, muja kuzikirira mutyo.

Luka 13:5

Busa, ka mbakobere: Mwena bwe muteenenia muja kuzikirira mutyo mwenamwena.”

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.

Abaheburayi 12:29

kuba Katonda waife muliro gwene oguzikiriza.

2 Petero 2:12

Aye abantu bano bali ng'oti nsolo busolo edhizira magezi, edhijiira obw'oku butonde edhizaalibwa nga dha kuyiigibwa na kwitibwa. Kiisi kye bataidhi bakivumagana. Boona balizikirizibwa ng'ensolo edh'omu nsiko.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.