Zabbuli 37:15 - Baibuli Ekibono kya Katonda 2014

¹⁵ Aye empiima dhaibwe dhirifumita myoyo gyaibwe beene, n'obulaso bwaibwe bulimenhekamu.

Zabbuli 37:15 ပူးပေါင်းရင်းမြစ်များ

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

Zabbuli 34:22

Musengwa Katonda anunula obulamu bw'abagheereza be, ghazira ku abo abamwesiga aja kusalirwa musango kumusinga.

Zabbuli 35:8

Aye ka batuuke ku kuzikirizibwa nga tibaidhi, olutuula lwe baagisa lugemye beene abo, balugwemu bazikirire.

Zabbuli 46:10

Era alagira ati: “Mulekere agho! Mumanhe nga ninze Katonda. Nsinzibwa amaghanga goonagoona, era nsinzibwa ebiri ku nsi byonabyona.”

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Isaia 37:38

Olundi bwe yali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Hosea 1:5

Era mu kiseera ekyo, ndisaaniagho eby'okulwanisa bya Isiraeli mu kyetebwa Ekiiko ky'e Yezireeli.”

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

1 Samueli 2:4

Obulaso obw'ab'amaani bumenhekamu, ate abanafu beeyongera okuba ab'amaani.

1 Samueli 31:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.