Zabbuli 37:14 - Baibuli Ekibono kya Katonda 2014

¹⁴ Ababi basowolayo empiima dhaibwe, era baadhuumuula obulaso bwaibwe okusuula abanaku n'abaavu, n'okwita abo abagondera ebiragiro bya Katonda.

Zabbuli 37:14 ပူးပေါင်းရင်းမြစ်များ

Zabbuli 11:2

kuba abakozi b'ebibi baghese obulaso bwaibwe, baata obusaale ku bugugha, era baalasa mu nzikiiza abo abagondera ebiragiro bya Katonda?

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Ensambo 29:10

Abatemo bakyayira irala omuntu aziraku musango, aye abeesimbu balabirira omuntu oyo.

Ensambo 29:27

Ababi bakyagha abatuufu, n'abatuufu baakyagha ababi.

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Ebikolwa by'Abatume 12:11

Agho Petero bwe yamanha ebibairegho yaakoba ati: “Mperaano ntegeereire irala nga Musengwa n'atumye malaika we okuntoola mu mikono gya Herode n'amponia ebyo byonabyona Abayudaaya bye babaire beesumba.”

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 24:17

Yaakoba Daudi ati: “Niiwe omutuufu, kuba onkoleire ebirungi, aye nze naakusasulamu bibi.