Zabbuli 36:6 - Baibuli Ekibono kya Katonda 2014

⁶ Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Zabbuli 36:6 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 7:20

Bwemba nga nkoze ekibi, mba nkukozeeku kabi ki iwe alingiriza abantu? Lwaki nkufuukiire ekikuzitoogherera?

Zabbuli 145:9

Musengwa Katonda mulungi eri abantu boonaboona, alumirwa kiisi kye yakola.

Zabbuli 147:9

Agha ensolo emere yaadho, era atyo bw'akola n'amakoova amato, bwegaba gali kulira endhala.

Zabbuli 31:20

Obagisa gh'oli, waalobera abo ababeekobaana baaloba kubatuukaku. Obakuumira agheekusifu waabawonia ebivumo eby'abazigu baibwe.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 92:5

Wo Musengwa Katonda, by'okola byewuninkiriza! Ebidhuubo byo biswikiriire inho okutegeera okw'omuntu!

Zabbuli 97:2

Ali ghagati mu bire n'enzikiiza eri bedimudimu, afuga mu butuufu ng'akolera ku mazima.

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Isaia 40:28

Obwo bwenebwene timukiidhi era timukiwulirangaku? Kale ni bwenebwene Musengwa Katonda oyo ni Katonda atawaagho, eyatonda ensi yoonayoona okuva y'eva okutuuka y'ekanga. Takoogha waire okuwaamu amaani. Era titusobola kutegeera bukalamu magezi ge.

Isaia 45:19

Tyogerangaku mu kaama ng'oti n'ali mu nsi ey'enzikiiza. Tikobangaku Baisiraeli kuunooneza mu nsi ntabangufutabangufu, ni badaagira bwereere nga ti bambona. Nze Musengwa Katonda ndhogera mazima, naakobera abantu ebituufu.”

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Okulira 3:23

Buli nkyo biba ng'oti biyaaka, bwenebwene obwesigwa bwo tibukoma.

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

1 Timotheo 4:10

Kye tuva ni tufaabiikana era ni tufuba einho, lwa kuba eisuubi lyaife liri mu Katonda omulamu Omulokozi w'abantu boonaboona, aye okusingira irala ow'abo abaikiriza.

1 Samueli 14:15

Abafilisiti abaali mu kifo we baasimba weema dhaibwe, n'abaali mu nimiro, era n'abandi boonaboona, baadhugumira olw'okutya. Abalwani abaali mu nkambi, n'abo abaajanga okunhaga, baadhugumira. Ensi yaatengeeta, buli ghantu ghaidhula ensisi ey'amaani.