Zabbuli 35:22 - Baibuli Ekibono kya Katonda 2014

²² Aye iwe Musengwa Katonda oboine bino, otaloba kumpulira! Wo Musengwa Katonda, otamba ghala!

Zabbuli 35:22 ပူးပေါင်းရင်းမြစ်များ

Zabbuli 10:1

Wo Musengwa Katonda, lwaki oba ghala otyo? Lwaki weegisa mu biseera ebizibu?

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 22:11

Otamba ghala, ebizibu bineezungulwire, ate ghazira wa kuunhamba.

Zabbuli 22:12

Abazigu kamaala baneezungulwire ng'oti gate galume; oti ni gale geene agafulagani agava ku itale ku Bashani.

Zabbuli 22:19

Aye Musengwa Katonda, otamba ghala! Niiwe omuyambi wange, yangughaku ombeere.

Zabbuli 28:1

Wo Musengwa Katonda, iwe olubaale mwe neewogoma, nze ndi kukulirira: otaloba kumpulira. Bw'onsiriikirira ndidha kuba ng'oti n'abo abaaja e magombe.

Zabbuli 38:21

Wo Musengwa Katonda, otandekulira agho! Niiwe Katonda wange, otamba ghala!

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 50:21

Mwakola ebintu ebyo nze naasirika, mwalowooza muti zeena ndi ng'oti niimwe. Aye buti ndi kubanenia nti mukola bubi inho, era omusango ogwo nhenda ngwerule mugubone bukalamu.

Zabbuli 71:12

Wo Katonda wange, otamba ghala, yangughaku okumbeera.

Zabbuli 83:1

Wo Katonda, otasirika busirike, waire okuba obwagho nga toli kufaayo.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Isaia 65:6

Bona, nze nasalagho era kyamala ira okughandiikibwa nga ndibabonereza. Ekyo tija kukisirikira naire. Bwenebwene ndibabonereza, naabeesasuulizaaku nga njiira ku bye baakola,

Ebikolwa by'Abatume 7:34

Mboine abantu bange abali mu Misiri bwe badaazibwadaazibwa, naawulira n'okulira kwaibwe, era ndidhie okubanunula. Mperaano idha, nkutume e Misiri.’