Zabbuli 35:19 - Baibuli Ekibono kya Katonda 2014

¹⁹ Abo abeefuula abazigu bange aghazira nsonga ntuufu, otabaganha kusagamba lwa kugwa kwange, era abo abankyagha nga ghazira kye mbakoze, otabaikiriza kunhiira maiso gaibwe kunsekerera.

Zabbuli 35:19 ပူးပေါင်းရင်းမြစ်များ

Yobu 15:12

Ku lwaki osuuyirira otyo, n'omoga n'obukambwe otyo?

Zabbuli 109:3

Buli kiseera bandhogeraku eby'obukyayi, ate nga baanumbagana bya bwereere.

Zabbuli 119:161

Abantu abali n'obuyinza bankiriga ng'ate bazira nsonga ntuufu, aye nze ntya inho ebiragiro byo.

Zabbuli 13:4

Abazigu bange basobola okukoba bati: “Tumumaze amaani!” Era baasagamba olw'okuba ngwire.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 35:15

Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Zabbuli 38:16

Nkusaba nti otabaganha kusagamba lwa nze okuba aghazibu, era otabaganha kusagamba nga ntyereire ni ngwa.

Zabbuli 38:17

Kuba ndi kumpi n'okugwa, n'obulumi bulobye okundekula.

Zabbuli 38:19

Abo abeefuula abazigu bange aghazira nsonga ntuufu, balamu era ba maani, n'abo abankyagha nga ghazira kye mbakoze bali kamaala.

Zabbuli 38:20

Abo abansasulamu ebibi nga mbakoleire ebikalamu, bazigu bange; kuba nze ngezaaku okukola ekituufu.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 69:5

Wo Katonda wange, niiwe oidhi nga bwendi omusirusiru, ghazira kibi kye nakola ky'otaidhi.

Ensambo 10:10

Ole agisa amazima ku muntu amuleetera obuzibu, aye ole anenia omuntu maiso ku maiso amuleetera emiraala.

Ensambo 6:13

yaanhiiranhiira amaiso, yaasiita ebigere ku itaka, oba yaaghemya n'engalo dhe.

Okulira 3:52

Abo abeefuula abazigu bange nga bazira na nsonga ntuufu, bandhiiga ng'oti bayiiga nhonhi.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’