Zabbuli 35:15 - Baibuli Ekibono kya Katonda 2014

¹⁵ Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Zabbuli 35:15 ပူးပေါင်းရင်းမြစ်များ

Yobu 16:9

Katonda ankyaye era mu busungu bwe yandhuzayuza; omuzigu wange oyo antunguliire amaiso.

Yobu 31:29

Tisangaalirangaku kuzikirira kw'oyo ankyaye, oba okusagamba ng'akabi kamugwiriire.

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Zabbuli 35:8

Aye ka batuuke ku kuzikirizibwa nga tibaidhi, olutuula lwe baagisa lugemye beene abo, balugwemu bazikirire.

Zabbuli 38:17

Kuba ndi kumpi n'okugwa, n'obulumi bulobye okundekula.

Zabbuli 41:8

Bakoba bati: “Obulwaire bw'alwaire tibwakuwona, era taja kuva ku ndiri.”

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 69:12

Nafuuka kya kughayaku eri abo abatyama mu kifo ky'olwekobaano, ku mulyango ogwingira mu kibuga, n'abatamiivu bandhiiyaamu enhembo.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Mariko 14:65

Ng'olwo abandi batoolera kumufuudhaku, baamughemba mu maiso, baamukuba, eno nga bwe bamukoba bati: “Teeba akukubye.” N'abakuumi baamusangaaza na gafunsi.

Ebikolwa by'Abatume 17:5

Aye Abayudaaya ensaalwa yaabagema, baasoloza abantu ababi abaali mu kiya. Abantu abo baatabangula ekibuga, baalumba enhumba ya Yasoni nga baagala Paulo ni Sila babaleete y'abantu.

1 Ab'e Korintho 13:6

Agonza baine tasangaalira kibi, aye asangaalira mazima.