Zabbuli 35:10 - Baibuli Ekibono kya Katonda 2014

¹⁰ Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 35:10 ပူးပေါင်းရင်းမြစ်များ

2 Samueli 22:18

Yamponia abazigu bange ab'amaani n'abo abankyagha; kuba baali ba maani inho okunsinga.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 102:3

Obulamu bwange buwaagho ng'oti mwosi; n'amagumba gange gaaya omuliro ng'oti gwa mu luyiira.

Zabbuli 103:6

Musengwa Katonda asalagho mu butuufu, yaaleetera n'abazira bwogereso okusinga omusango, baakolerwa ebituufu bye bagwaniire.

Zabbuli 109:31

kuba aba ku luuyi lw'omwavu, yaamuwonia abo abamusalira ogw'okufa.

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Zabbuli 140:13

Bwenebwene abatuufu baidha kukusaakanga; abo abagondera ebiragiro byo baidha kubanga gh'oli.

Zabbuli 146:7

Abanhigirizibwa abasalira omusango mu butuufu era yaagha abayala emere. Musengwa Katonda oyo asibula abasibe mu makomera,

Zabbuli 18:17

Yamponia abazigu bange ab'amaani n'abo abankyagha; kuba baali ba maani inho okunsinga.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Zabbuli 22:24

kuba taloba kufaayo oba okutuumya amaiso oyo adaaga; bwenebwene tamulekulira agho, aye amuwulirisa buli lw'amulirira.

Zabbuli 32:3

Bwe nali nkaali kwatula bibi bye nakolanga nagoogomba, kuba nawologomanga olunaku lwonalwona.

Zabbuli 34:20

Akuuma amagumba gaibwe goonagoona, ghaabula erimenhekaku waire eirala liti.

Zabbuli 34:6

Omuntu omunaku Musengwa Katonda amuwulira yaamuwonia, yaatoolagho ebizibu bye byonabyona.

Zabbuli 37:14

Ababi basowolayo empiima dhaibwe, era baadhuumuula obulaso bwaibwe okusuula abanaku n'abaavu, n'okwita abo abagondera ebiragiro bya Katonda.

Zabbuli 38:3

Ku mubiri gwange kuzira ghalamu olw'obusungu bwo; ni ku magumba gange kuzira iramu olw'ebibi byange.

Zabbuli 51:10

Katonda wange, ntonderaamu omwoyo omulungi, ondhizeemu omwoyo ogukuwulira buli kiseera.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Zabbuli 69:33

kuba Musengwa Katonda awulirisa okusaba kw'abo abali mu bwetaavu era tiyeerabira bantu be abali mu busibe.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Zabbuli 86:8

Mu bakatonda ab'amaghanga agandi boonaboona ghazira ali ng'oti niiwe, era ghazira akola biri ng'oti n'ebibyo by'okola.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Isaia 40:18

Kale olwo Katonda tunaamugeza ku ani, oba kiki kye tunaamufaanania?

Isaia 40:25

Kale olwo Katonda oyo Omutukuvu tunaamugeza ku ani? Ghaligho omuntu ye tunaamufaanania?

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 20:13

Mwembere Musengwa Katonda, era musaake Musengwa; kuba atoola abatuntuzibwa mu ngalo dh'ababi.