Zabbuli 34:3 - Baibuli Ekibono kya Katonda 2014

³ Muneeyimbeku twatule nga Musengwa Katonda bw'ali omukulu, era tusaakire ghalala eriina lye.

Zabbuli 34:3 ပူးပေါင်းရင်းမြစ်များ

1 Ebyomubyanda 16:10

Muwulire okwesiima olw'eriina lye eitukuvu; abo abasinza Musengwa Katonda ka basagambe.

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

Zabbuli 35:27

Aye abo abasangaala okumbona nga nziraku musango, ka bakube emizira nga basagamba. Era baatule emikuzi kamaala nga Musengwa Katonda bw'ali omukologho era nga bw'asangaala buli mugheereza we lw'aba obukalamu.

Zabbuli 40:16

Aye abo boonaboona abeefubiriza okwidha y'oli, ka basagambe era basangaale olw'ebyo by'obakolera; n'abo abeegomba obulokozi bwo, ka bakobenga buliidho bati: “Musengwa Katonda mukologho.”

Zabbuli 66:8

Musaake Katonda waife imwe amaghanga; mumusaakire irala abantu babawulire.

Zabbuli 69:30

Ndidha kusaakanga eriina lya Katonda mu lwembo; era ndhatulenga obukulu bwe nga mmusiima.

Zabbuli 69:33

kuba Musengwa Katonda awulirisa okusaba kw'abo abali mu bwetaavu era tiyeerabira bantu be abali mu busibe.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Luka 1:46

Maria yaakoba ati: “Omwoyo gwange gugulumiza Musengwa.

Ebikolwa by'Abatume 19:17

Ekintu kino kyamanhibwa abantu boonaboona ab'omu Efeso. Abayudaaya aghalala n'Abagureki boonaboona baatya inho, n'eriina lya Musengwa Yesu lyagheebwa ekitiisa.

Ab'e Filippi 1:20

Kye nandyenze einho era kye nsuubira n'ekyo nti ndobe kuswala naire, aye mpeesenga Kurisito ekitiisa mu bulamu bwange nga ndi mugumu inho, mperaano ni buliidho, ni bwe mba omulamu, oba ni bwe nfa.

Okwolekebwa 14:7

Yaayogera n'amamiro ag'amaani ati: “Mutyenga Katonda mumusaake, kuba ekiseera kye eky'okusaliramu omusango kituuse. Mumusinze oyo eyatonda eigulu n'ensi, n'enhandha, n'ensulo.”