Zabbuli 33:11 - Baibuli Ekibono kya Katonda 2014

¹¹ Aye mwene bw'ategeka ebibye bituukirira ebyanda n'ebyanda; ebidhuubo bye bisigalagho ense n'ense.

Zabbuli 33:11 ပူးပေါင်းရင်းမြစ်များ

2 Bakyabazinga 19:25

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante, ni bifuuka bwa mmungo ya bimunku.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Zabbuli 92:5

Wo Musengwa Katonda, by'okola byewuninkiriza! Ebidhuubo byo biswikiriire inho okutegeera okw'omuntu!

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Omulangirizi 3:14

Katonda oyo buli ky'akola kibaagho byanda na byanda, ghazira kisoboka kwongerwaku waire okutoolebwaku. Yakola atyo, abantu bamutyenga.

Isaia 14:24

Musengwa Katonda Afuga Amagye yeerayiriire ati: “Bwenebwene nga bwe ntegeike okukola, era bwe kiidha okuba; nga bwe nsazeegho, era bwe kiidha okukolebwa.

Isaia 14:27

Musengwa Katonda Afuga Amagye ekyo ky'ategeike, era ghazira asobola kukirobera. Buti amaze okugalula omukono gwe okubonereza, era ghazira asobola kugwizaayo.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Yeremia 29:11

Nze mwene zenka, ninze ndidhi kye mbategekeire imwe. Mbategekeire bintu kubajiiranga bukalamu, se ti kubajiiranga bubi. Era ndidha kubatusaaku ebyo byonabyona bye musuubira mu maiso eyo.

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Mika 4:12

Aye amaghanga ago tigaidhi Musengwa Katonda ky'ategeike kugakola. Tigaidhi nga Musengwa Katonda agasoloiza ghalala kugabonereza ng'oti n'engaano bwe solozebwa mu kifo gh'ekubirwa.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo