Zabbuli 31:8 - Baibuli Ekibono kya Katonda 2014

⁸ Toganhie bazigu bange kuntuukaku, era ompaire eidembe neetaaya.

Zabbuli 31:8 ပူးပေါင်းရင်းမြစ်များ

Yobu 16:11

Katonda ampaireyo y'ababi, yansuula mu ngalo dh'aboonooni.

Yobu 36:16

“Katonda yakutoola aghazibu, yaakuta mu idembe, era waafuna eby'okulya waasinwa n'okusinwa.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 18:19

Yantuusa mu kifo ekigazi yaabamponia, kuba nali nga nkola by'ayenda.

Zabbuli 4:1

Katonda wange, iwe aidhi obutuufu bwange ndi kukweta otansiriikirira. Bwe nali ghagati mu buzibu, wanteewuluza. Idha ondhune, owulirise okusaba kwange.

Zabbuli 88:8

Ondeeteire ab'emikwano okuneesamba; wanfuula ekintu ekyenhinhalwa ye bali. Nsibiirwa aghantu ghe ntasobola waire okweiba.

Okuvaayo 2:25

Katonda yaalingirira Abaisiraeli, yaamanha nga bali bubi, era yaabalumirwa.

Isaia 19:4

Ndighaayo Abamisiri abo, naabataaku omufuzi omukakali kaabuluuku; kyabazinga omukambwe yaabafuga. Nze Musengwa Katonda Afuga Amagye ntyo bwe nkobye.”

Amateeka Agokubiri 26:7

Agho twalirira Musengwa Katonda, Katonda wa badhaadha baife, yaawulira okulira kwaife. Yaabona Abamisiri bwe baatudaazadaaza nga batukooya era nga batukiriga.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.

1 Samueli 24:18

Era olwaleero oyoleike nga bw'ombisiisa obukalamu n'otandhita, ate nga Musengwa Katonda antaire mu ngalo dho.

1 Samueli 26:8

Abishai yaakoba Daudi ati: “Katonda akughaire omuzigu wo mu ngalo olwaleero. Kale ni leka mmubiseemu eifumo irala liti, lingire ni mu itaka. Tiidha kumufumita lyakubiri.”