Zabbuli 31:18 - Baibuli Ekibono kya Katonda 2014

¹⁸ Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 31:18 ပူးပေါင်းရင်းမြစ်များ

2 Ebyomubyanda 32:16

N'abakungu ba Assiria boona baayongera okwo okuvuma Musengwa Katonda n'omugheereza we Hezekia, era baasinza nagho.

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 120:2

Naakoba nti: “Wo Musengwa Katonda, mponia abantu abaguya, aboogera eby'okusubagha.”

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Zabbuli 63:11

Aye kyabazinga aidha kusagambanga olw'obughanguzi Katonda bw'amutuusaaku. Abo boonaboona abalayira eriina lya Katonda baidha kumusaakanga, kuba Katonda alisirisa eminwa egy'abaguya.

Zabbuli 94:4

Ababi boonaboona beesaaka olw'ebikolwa byaibwe ebibi bye bakola.

Ensambo 12:19

Ebibono eby'amazima tibikyuka ebyanda n'ebyanda, aye ebibono eby'obuguya bibaaghooku kaseera buseera.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Ebikolwa by'Abatume 25:7

Bwe baamuleeta, Abayudaaya abaava e Yerusalemu baamwezungulula, baamutaaku emisango eminene kamaala egiziraku budhulizi.

Yuda 1:15

okusalira abantu boonaboona omusango gubasinge olw'ebikolwa byaibwe byonabyona eby'obutatya Katonda, n'olw'ebibono eby'obukambwe byonabyona abatatya Katonda bye baamwogeraku.”

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.