Zabbuli 29:11 - Baibuli Ekibono kya Katonda 2014

¹¹ Musengwa Katonda aghenga abantu be amaani, era aghenga abantu be enkabi babe miraala.

Zabbuli 29:11 ပူးပေါင်းရင်းမြစ်များ

Zabbuli 138:3

Olunaku lwe nakulirira waidha wambeera, waayongera okundhizaamu amaani.

Zabbuli 37:11

Aye abo abawombeefu balitwala ensi, era baaba miraala ng'ebintu bibajiira bukalamu.

Zabbuli 68:35

Katonda ng'ali mu kifo kye ekitukuvu atiisa, Katonda oyo owa Isiraeli agha abantu be amaani n'obukumu. Katonda oyo asaakibwe!

Zabbuli 72:3

Ensi eveemu amakungula amalungi, n'obutuufu bwo bweyoleke.

Zabbuli 72:7

Abantu abatuufu beeyongerenga okwala mu nnaku dhe, abantu babenga mu miraala okutuusa omwezi lwe guliwaagho.

Zabbuli 84:7

Bwe batambula baja nga bwe beeyongera okufuna amaani; balibona Katonda asinga bakatonda mu Sioni.

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Isaia 26:12

Wo Musengwa Katonda, iwe oidha kutugha tubenga mu miraala, kuba ni bye tukola byonabyona niiwe obireetera okutujiira obukalamu.

Isaia 40:29

Abo abakooye abaizaamu amaani, n'abanafu yaabongeramu amaani.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

1 Ab'e Korintho 1:3

Enkabi n'emiraala ebya Katonda Lata waife, ni Musengwa Yesu Kurisito bibe n'imwe.

Ab'Efeso 2:17

Kurisito yaidha yaabakobera Amawulire Amalungi ag'emiraala, imwe abaali eghala n'abo abaali okumpi.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

2 Ab'e Thessalonika 3:16

Musengwa omugabi w'emiraala, mwene abaghenga emiraala buliidho era ni mu buli nsambo. Musengwa abenga n'imwe mwenamwena.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.