Zabbuli 25:10 - Baibuli Ekibono kya Katonda 2014

¹⁰ Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Zabbuli 25:10 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

2 Samueli 15:20

Waakaidha bwidhe muno, kale lwaki mperaano nkutambuzatambuza eyo ntyo nga tiidhi ni ye nja? Busa, irayo otwale ni Bagitti baino. Nsaba Musengwa Katonda abagonzenga obutalekera era abenga mwesigwa ye muli.”

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 33:4

Musengwa Katonda kiisi ky'akoba akituukiriza, era kiisi ky'akola kyoleka nga bw'ali omwesigwa.

Zabbuli 40:11

Wo Musengwa Katonda, otalekera kunsaasiranga, nkuumanga buliidho olw'okugonza kwo okutakoma n'olw'obwesigwa bwo.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Zefania 2:3

Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.

Ab'e Roma 2:13

kuba abatuufu n'abo abakola Amateeka bye galagira, aye ti abo abagawulira obuwulire.

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.