Zabbuli 22:6 - Baibuli Ekibono kya Katonda 2014

⁶ Aye nze ndi ng'oti lugereegere tikaali muntu, ndi nseko dha balamu era abantu ye banhooma.

Zabbuli 22:6 ပူးပေါင်းရင်းမြစ်များ

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

Yobu 25:6

Memale leero omuntu obuntu, enhengere obuyengere, omwana w'omuntu, olugereegere obugereegere!”

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 31:1

Wo Musengwa Katonda, niiwe ye neesiga otandeka kuswala. Niiwe Katonda ow'obutuufu, nkusaba ondokole.

Zabbuli 31:11

Abazigu bange boonaboona bambona nga ndi kiwooboloolo; ab'oku muliinaano baaneenhinhata; bakagwa bange bantya era abambona mu nguudo baanumuka.

Zabbuli 41:5

Abazigu bange baneeguguna, bandhogeraku bubi, bati: “Alifa li ni yeerabirwa?”

Zabbuli 88:8

Ondeeteire ab'emikwano okuneesamba; wanfuula ekintu ekyenhinhalwa ye bali. Nsibiirwa aghantu ghe ntasobola waire okweiba.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Matayo 11:19

Ate Omwana ow'Omuntu yaidha ng'alya era ng'anhwa, baakoba bati, ‘Mubone omusaadha omulyalya, omutamiivu, mukagwa w'abaghooza era n'aboonooni.’ Ate nga obutuufu bw'amagezi bubonekera mu bikolwa byago.”

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Yoanne 7:15

Abayudaaya beewuunhia inho baakoba bati: “Omusaadha ono tabangaku amwegeresa! Bino byonabyona yabyega atya?”

Yoanne 7:20

Eikuukuubira ery'abantu lyamwiramu liti: “Oliku omuzimu omubi! Naani ali kusala amagezi okukwita?”

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Abaheburayi 13:12

Kale Yesu yeena kyeyava n'adaazibwadaazibwa ku luya kw'ekibuga, aghange okutukuza abantu n'omusaayi gwe.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.