Zabbuli 20:7 - Baibuli Ekibono kya Katonda 2014

⁷ Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Zabbuli 20:7 ပူးပေါင်းရင်းမြစ်များ

2 Samueli 10:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

2 Samueli 8:4

Daudi yaamunhagaku abalwani ab'oku mbalaasi lukumi na lusanvu (1,700), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo ekikumi dhonka.

2 Ebyomubyanda 13:16

Abaisiraeli baalumuka Abayudaaya, Katonda yaaleetera Abayudaaya okughangula Abaisiraeli abo.

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Yobu 39:11

Onaagyesiga olw'amaani gaayo amangi, waagirekera omulimo gw'enaakukolera?

Zabbuli 28:8

Musengwa Katonda n'amaani g'abantu be, era n'ekisenge ekigumu kyabazinga we ye yasiiga omuzigo mwe yeewogoma.

Zabbuli 45:17

Mu lwembo lwange, abantu ab'ense n'ense baja kwidhukiranga obumanhifu bwo, olw'ekyo amaghanga gaja kukusaakanga ebyanda n'ebyanda.

Ensambo 21:31

Abantu basobola okutegeka embalaasi okulwana olutalo, aye Musengwa Katonda n'agaba obughanguzi.

Isaia 30:16

Mwakoba muti: “Busa naire! Titwidha kukola ekyo, twidha kuvuga embalaasi dhaife tulumuke ku bazigu baife.” Aye waire mwesigulira ku mbalaasi dhaimwe muti dhirumuka inho, embalaasi edh'abazigu abababingirira n'edhisinga kuba na mbiro.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”