Zabbuli 18:7 - Baibuli Ekibono kya Katonda 2014

⁷ Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Zabbuli 18:7 ပူးပေါင်းရင်းမြစ်များ

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Zabbuli 34:18

Abo abawoiremu amaani, Musengwa Katonda tabasuulirira, era alokola abo abaweireiremu irala eisuubi.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 40:2

Yaanhinhulula mu lwina olw'okufa, yantoola mu bitosi eby'olutente, yaanhemereza ku lubaale, naatambula nga ndi mugumu.

Zabbuli 46:2

Olw'ekyo tituja kutya, ensi ni bw'etengeesebwa, n'ensozi ni dhidhugumira okuviira irala ku ntobo y'enhandha,

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Zekaria 14:4

Mu kiseera ekyo alyemerera ku Lusozi olw'Emiti Emyoliva, oluli ku luuyi olw'e buvandhuba olwa Yerusalemu. Olusozi olwo lulyeyatisaamu endhawu ibiri okuva e buvandhuba okutuuka e bugwandhuba, lwaidhamu ekiiko ekigazi einho. Olwawu olundi olw'olusozi olwo luliseseetukira ku luuyi olw'omukono omugooda olw'e buvandhuba, ate olwawu olundi lwaseseetukira ku luuyi olw'omukono omusaadha olw'e buvandhuba.

Matayo 28:2

Ghaabaagho musisi ow'amaani kuba malaika wa Musengwa yaikirira okuva mu igulu, yaidha yaagalangula eibaale yaalitoolagho yaalityamaku.

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.

1 Ab'e Korintho 13:2

Era ni bwe mba n'amaani ag'obulanzi, ni ntegeera ebyama bya Katonda byonabyona, era ni mmanha ebintu byonabyona, era ni bwe mba n'okwikiriza okusobola okusimulagho ensozi, aye ni mba nga tigonza bantu banange, tiba na muganhulo.

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.

Abalamuzi 5:4

Wo Musengwa Katonda, bwe wava mu Seiri, n'ova mu kiketezo eky'e Edomu, ensi yatengeeta n'eigulu lyagwisa amaadhi. Bwenebwene amaadhi gaafukumuka okuva mu bire.