Zabbuli 18:39 - Baibuli Ekibono kya Katonda 2014

³⁹ Niiwe owampa amaani ag'okulwana olutalo olwo, abo abaanumba waabasuula ku itaka naabaniinaniinaku.

Zabbuli 18:39 ပူးပေါင်းရင်းမြစ်များ

1 Ebyomubyanda 22:18

Yaakoba ati: “Musengwa Katonda waimwe ali ghalala n'imwe, era abaghaire emiraala ku ndhuyi dhoonadhoona. Yansobozesa okughangula abantu abaabanga mu nsi eno, era mpegaano bagondera Musengwa Katonda n'imwe abantu be.

Zabbuli 18:32

Katonda oyo n'ampa amaani era yantoolera mu ngira ebizibu,

Zabbuli 34:21

Aidha kuleetera omukozi w'ebibi okufa olw'ebibi bye, era abo abakyagha abantu abatuufu abasalire omusango gubasinge.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Okulira 5:5

Batusindiikiriza bya ntaka ng'ate tuli n'ebikoligo mu nkoto; ni bwetukoogha tutya tibatuganha kuwolaku.

Yoanne 15:23

Akyagha nze, akyagha ni Lata wange yeena.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.