Zabbuli 18:14 - Baibuli Ekibono kya Katonda 2014

¹⁴ Yaalasa obulaso bwe yaasansaania abazigu be; yaamyansa olukuba yaababingagho.

Zabbuli 18:14 ပူးပေါင်းရင်းမြစ်များ

Yobu 37:4

Olwo amamiro ge gaawologoma, era gaatyabuka n'amaani. Gawulirwa, eno nga n'okumyansa bwe kuja mu maiso.

Yobu 37:5

Okutyabuka kw'amamiro ga Katonda kwewuunhisa! Akola ebyewuninkiriza ebitulema okutegeera.

Yobu 38:35

Osobola okweta ebimyanso by'olukuba biidhe obitume, byakukoba biti, ‘Tuli ghano?’

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 144:6

Myansa olukuba obasansaanie; olase obulaso bwo obabinge.

Zabbuli 21:12

kuba bw'alibalingirizaamu akalaso ke, balikyuka baalumuka bulumuke.

Zabbuli 29:3

Amamiro ga Musengwa Katonda ogawulirira ku maadhi; Katonda ow'ekitiisa abwatuka ng'oti lukuba; Musengwa Katonda awulirwa ku maadhi amangi.

Zabbuli 29:7

Amamiro ga Musengwa Katonda gavaamu enimi edh'omuliro edhimyansa.

Zabbuli 77:17

Ebire byayugha amaadhi, ku igulu kwavaaku olukuba, obulaso bwo bwamyansa okuva ku buli luuyi.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Habakkuku 3:11

Endhuba n'omwezi byayemerera, olw'obutangaavu obwavanga mu bulaso bwo nga buziinhuuka, n'olw'okumesunkana okw'eifumo lyo erimyansa.

Okubala 24:8

Beesiga Katonda oyo eyabatoola mu Misiri ng'oti n'embogo bweyeesiga amayiga gaayo. Baidha kweyangagho amaghanga ag'abazigu baibwe, bamenhemenhenga amagumba gaibwe, babafumitenga n'obulaso bwaibwe.

Amateeka Agokubiri 32:23

Ndidha kubasindikiranga akabi buli kiseera. Ndidha kubakubanga obusaale bwange bubaweereku.

Amateeka Agokubiri 32:42

Obusaale bwange buliidhula omusaayi, n'empiima yange yaafumita emamba n'omusaayi ogw'abaitiibwa n'abanhagiibwa, okuva mu bazigu ab'emitwe egiriku enviiri endeeyi.’

Yoshua 10:10

Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”