Zabbuli 17:7 - Baibuli Ekibono kya Katonda 2014

⁷ Yoleka okugonza kwo mu nsambo eyeewuninkiriza, iwe awonia abo abalumuka abazigu baibwe, ni baidha okwewogoma gh'oli gha mukono gwo omusaadha.

Zabbuli 17:7 ပူးပေါင်းရင်းမြစ်များ

2 Bakyabazinga 19:22

Olowooza oti naani y'ovumye era y'odhooze? Naani y'okaabukiire era y'oziimwire? Ninze Omutukuvu wa Isiraeli!

2 Bakyabazinga 19:34

Ndidha kulwanirira ekibuga kino, nkikuume olw'ekitiibwa kyange, ni ku olw'omugheereza wange Daudi.’ ”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Zabbuli 20:6

Buti ntegeire nga Musengwa Katonda aleetera kyabazinga we ye yasiiga omuzigo okughangula; awulira okusaba kwe ng'ali mu igulu lye eitukuvu, yaamugha obughanguzi obutaloodheka, ng'akozesa omukono gwe omusaadha ogw'amaani.

Zabbuli 31:21

Musengwa Katonda asaakibwe, kuba yangonza inho ebitaloodheka, bwe nali nga neezungulwirwa abazigu era ni baanumba.

Zabbuli 31:22

Mu kutya okungi nadhuuba nti “Oba katyo aminze gh'ali!” Aye bwe namulirira yampulirisa nga ndi kumusaba okumbeera.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 60:5

Ife b'ogonza tuwulirise otuwonie, otughe obughanguzi n'obuyinza bwo.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.