Zabbuli 147:6 - Baibuli Ekibono kya Katonda 2014

⁶ Musengwa Katonda asitusa abo abaniinirirwa, aye abakozi ab'ebibi yaabasuula ku itaka.

Zabbuli 147:6 ပူးပေါင်းရင်းမြစ်များ

Zabbuli 145:14

Musengwa Katonda atoola abo abali mu buzibu, ate abawoiremu eisuubi yaabaizaamu amaani.

Zabbuli 149:4

Musengwa Katonda asangaalira abantu be; abo abawombeefu yaabatuusa ku kitiisa eky'obughanguzi.

Zabbuli 25:9

Abateekudumbaza abalagirira mu kusalagho okutuufu, era abamanhisa by'ayenda.

Zabbuli 37:11

Aye abo abawombeefu balitwala ensi, era baaba miraala ng'ebintu bibajiira bukalamu.

Zabbuli 41:13

Musengwa Katonda asaakibwe, Katonda wa Isiraeli! Asaakibwe buti era n'ebyanda n'ebyanda! Amiina era Amiina!

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zefania 2:3

Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Matayo 5:5

Ba nkabi abawombeefu, kuba baligheebwa ensi Katonda ye yasuubiza.

Yakobo 4:10

Mwewooye mu maiso ga Musengwa, alibafuula okuba ng'aba ghaigulu.

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.