Zabbuli 147:19 - Baibuli Ekibono kya Katonda 2014

¹⁹ Akobera Yakobo obukwenda bwe, yaakobera Isiraeli ebiragiro bye n'amateeka ge.

Zabbuli 147:19 ပူးပေါင်းရင်းမြစ်များ

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Zabbuli 103:7

Yamanhisa Musa enkola ye, yaalaga Abaisiraeli ebikulu bye yakola.

Zabbuli 76:1

Katonda amanhiibwa mu Buyudaaya; eriina lye ligheebwa ekitiisa mu Isiraeli.

Zabbuli 78:5

Yateeragho abantu ba Isiraeli amateeka, yaateeragho baidhukulu ba Yakobo ebiragiro yaakoba badhaadha baife beegeresenga ebyo abaana baibwe.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Hosea 8:12

Ni bwenandibaghandiikiire amateeka gange nga gali nkumi na nkumi, era bandigalobye ng'oti tibagawulirangaku.

Malaki 4:4

“Mugemenga ebyo Musa omugheereza wange bye yabeegeresa, amateeka n'ebiragiro, bye namugheera ku lusozi Horebu, abikobere Abaisiraeli boonaboona.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

Ab'e Roma 9:4

Bano n'Abaisiraeli abaafuna omukisa okufuuka abaana ba Katonda, ni bagabana ku kitiisa kye, n'akola nabo endagaano, n'abagha Amateeka, n'ensambo ey'okusinzangamu, era n'ebisuubizo.

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.

Amateeka Agokubiri 4:8

Era ezirayo ighanga lindi, ni bweriba eikologho litya, liri na mateeka ga butuufu ng'oti n'amateeka gano goonagoona ge ndi kubateeragho olwaleero.

Amateeka Agokubiri 5:22

“Ago n'amateeka Musengwa Katonda ge yabagha mwenamwena nga mwesoloiza ku lusozi. Yagabagha ng'ayogera mu mamiro ag'amaani, ng'ali mu muliro ghagati mu kire ekigemye enzikiiza, era tiyayongeraku bindi. Yagaghandiika ku bibaadho bibiri eby'amabaale, yaabimpa.”

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”

Amateeka Agokubiri 6:1

Agho Musa yaakoba Abaisiraeli ati: “Gano n'amateeka, n'ebiragiro, n'okulamba, Musengwa Katonda waimwe bye yandagira okubeegeresa. Mubituukirizenga mu nsi ye muli kumpi okwingiramu okutwala, ere nga musomoike omwiga Yorudani.