Zabbuli 147:14 - Baibuli Ekibono kya Katonda 2014

¹⁴ Akuuma ensalosalo edh'ekiketezo kyaimwe nga dhirimu emiraala, era yaabagha emere enkalamu yeene nga ya mwero.

Zabbuli 147:14 ပူးပေါင်းရင်းမြစ်များ

1 Ebyomubyanda 22:9

Aye olizaala omwana mulenzi yaaba muntu wa miraala, kuba ndimugha emiraala yaaloba kulumbibwa bazigu be ku ndhuyi dhoonadhoona. Olimutuuma eriina Solomoni, kuba mu bufuzi bwe ndigha ensi Isiraeli okuba emiraala n'okutebenkera.

Zabbuli 122:6

Musabire Yerusalemu kibenga miraala nga mukoba muti: “Abo abakugonza ka babenga n'enkabi.

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 132:15

Ab'omu Sioni ndidha kubagha byonabyona bye beetaaga mu bungi, abaavu baamu boonaboona baidha kulyanga emere baigute.

Zabbuli 29:11

Musengwa Katonda aghenga abantu be amaani, era aghenga abantu be enkabi babe miraala.

Zabbuli 81:16

Aye imwe nandibaliisiisa engaano esinga bulungi, naabaigusa omudheenene ogw'endhuki ogw'omu nsiko.”

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Ezekieli 16:13

Kale waaba nga weenaweena nkudholiige ni zaabu ni feeza, era ng'ovaala engoye empegheevu, n'edha liiri edhaalukibwa obukalamu. Waalyanga emere esinga obulungi, n'omuzigo ogw'ebibala eby'emiti emyoliva, era waanhwanga n'omudheenene ogw'endhuki. Olwo weeyongera okuba omuntu aboneka obulungi einho, waanhirira ng'oti bwa muka kyabazinga.

Ezekieli 27:17

Ensi Buyudaaya ni Isiraeli dhaasuubulagananga n'iwe. Waadhighanga bye wasuubulanga, ate dheene dhaakughangamu engaano, n'omuzigo ogw'ebibala eby'emiti emyoliva, n'emitiini egisookereza okwama, n'omudheenene ogw'endhuki, n'omuzigo, n'obuwoowo obwetebwa balamu.

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Zekaria 9:8

Olwo ndibanga mu nsi yange eyo ng'omukuumi waayo, ndobere abazigu okugibitamu. Tija kuganha mufuzi mubi kabiri kutuntuza bantu bange, kuba mpegaano nze mwene mboine n'amaiso gange, abantu bange nga bwe badaazibwadaazibwa.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.