Zabbuli 147:11 - Baibuli Ekibono kya Katonda 2014

¹¹ aye asangaalira abo bamutya, abo abasuubirira mu kugonza kwe okutakoma.

Zabbuli 147:11 ပူးပေါင်းရင်းမြစ်များ

Zabbuli 149:4

Musengwa Katonda asangaalira abantu be; abo abawombeefu yaabatuusa ku kitiisa eky'obughanguzi.

Zabbuli 33:18

Bona eno, Musengwa Katonda alabirira abo abamutya, era abo abasuubirira mu kugonza kwe okutakoma

Zabbuli 33:22

Wo Musengwa Katonda, tugonzenga obutalekera, ng'eisuubi lyaife lyonalyona bwe liri mu iwe.

Zabbuli 35:27

Aye abo abasangaala okumbona nga nziraku musango, ka bakube emizira nga basagamba. Era baatule emikuzi kamaala nga Musengwa Katonda bw'ali omukologho era nga bw'asangaala buli mugheereza we lw'aba obukalamu.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 31:30

Amaiso agasikiriza galimbalimba ababoni, n'obulungi bw'omuntu buwaagho aye omukazi atya Musengwa Katonda agwaniire okusaakibwa.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Zefania 3:17

Musengwa Katonda waimwe, ali mu imwe. Oyo n'omulwanirizi abagha obughanguzi. Ku lwaimwe aidha kusagambanga n'eisanhu era olw'okugonza kwe aidha kubagha obulamu obuyaaka. Aidha kwembanga okwoleka nga bw'abasangaaliire,

Okubala 14:8

Musengwa Katonda bw'aba ng'atusiimye aidha kututwala mu nsi eyo engimu era erimu ebirungi kamaala, agitughe.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.