Zabbuli 146:4 - Baibuli Ekibono kya Katonda 2014

⁴ Omuntu olufa ati ng'aira mu itaka; era ku olwo ebyo by'abaire ng'ategeike okukola, byonabyona lwe bikoma.

Zabbuli 146:4 ပူးပေါင်းရင်းမြစ်များ

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Yobu 14:10

Aye omuntu afa yaaweeramu irala; bw'agheera ogw'enkomerero aba nga takaaligho.

Yobu 14:21

Batabane be bwe batuuka ku kitiibwa, ebyo tabimanha; ni bwe batoolebwa ku kitiibwa, ebyo tabibona.

Yobu 17:1

“Obulamu bwange bujiire, enaku dhange dhiwoireku; amagombe gonka ge nteegereire.

Yobu 17:11

“Enaku dhange dhijiire; bye ntegeka bifiire, era ni bye nsuubira byona bityo.

Yobu 27:3

nga nkaali mulamu era nga nkaagheera omuuka Katonda mwene oyo gwe yampa,

Zabbuli 104:29

Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Zabbuli 90:3

Iwe oizaayo omuntu mu nkungu mwe yakolebwa, ng'olagira oti: “Omwana w'omuntu irayo ye wava.”

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 9:6

Baba tibakaali na kugonza, oba okukyagha, waire okwegomba byonabyona biba byawaagho ira, era nga tibakaasobola kukola kintu kyonakyona ekikolebwa ku nsi.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.