Zabbuli 145:17 - Baibuli Ekibono kya Katonda 2014

¹⁷ Musengwa Katonda akola byonabyona mu butuufu era wa kivunika mu by'akola.

Zabbuli 145:17 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

2 Samueli 22:31

Katonda ono, kiisi ky'akola kiba kituufu, kiisi ky'asuubiza akituukiriza, era yaaba ng'oti ngabo eri abo abamweyuna okubawonia.

Yobu 34:10

Kale muntegere kutu imwe abantu abategeevu. Tikisoboka waire akatono Katonda okukola ebibi; oyo Aghanga Ebintu Byonabyona okukola ebikyamu.

Yobu 34:12

Bwenebwene Katonda takola kibi; oyo Aghanga Ebintu Byonabyona tasala musango mu butali butuufu.

Zabbuli 103:6

Musengwa Katonda asalagho mu butuufu, yaaleetera n'abazira bwogereso okusinga omusango, baakolerwa ebituufu bye bagwaniire.

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 116:5

Musengwa Katonda wa kivunika era mulungi. Katonda waife asaasira!

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Zabbuli 97:2

Ali ghagati mu bire n'enzikiiza eri bedimudimu, afuga mu butuufu ng'akolera ku mazima.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.

Okwolekebwa 19:2

Bw'asala omusango tasaliriza, aba mutuufu; kuba asaze omusango gwasinga malaaya omukulu eyayonoona ensi n'obwenzi bwe. Malaaya abonerezeibwa olw'okwita abagheereza ba Katonda.”

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”