Zabbuli 145:15 - Baibuli Ekibono kya Katonda 2014

¹⁵ Ebitonde byonabyona biringirira ku iwe, okubigha emere yaabyo mu kiseera ekituufu.

Zabbuli 145:15 ပူးပေါင်းရင်းမြစ်များ

Amainhama 1:30

Era kiisi nsolo ey'omu nsiko, na kiisi nhonhi, na kiisi kyeghaluliza ku nsi ekiri n'obulamu, byonabyona mbighaire eisubi n'amakaba ag'ebisimbe nga n'emere yaabyo.” Era kyaba kityo.

Zabbuli 104:21

Empologoma ento dhaawologoma nga dhiri ku muyiigo, nga dhaagala eky'okulya Katonda ky'anaadhigha.

Zabbuli 104:27

Bino byonabyona biringirira ku iwe okubigha emere yaabyo mu kiseera ekituufu.

Zabbuli 136:25

Oyo n'agha kiisi ekiri n'obulamu emere ey'okulya; okugonza kwe tikukoma, kubaagho byanda na byanda.

Zabbuli 145:9

Musengwa Katonda mulungi eri abantu boonaboona, alumirwa kiisi kye yakola.

Yoeli 2:22

Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Matayo 6:26

Mubone enhonhi tidhirima mere, tidhikungula, tidhitereka mu byagi, aye Iseimwe ali mu igulu adhigha okulya! Imwe timuli ba mughendo y'ali okusinga enhonhi?

Luka 12:24

Kale bw'odhuuba amakoova: Tigasiga waire okukungula, gazira kyagi waire eiterekero ery'ensambo eyindi lyonalyona, ate nga Katonda agafunisa emere. Aye imwe timuli ba mughendo okusinga enhonhi?

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.