Zabbuli 144:4 - Baibuli Ekibono kya Katonda 2014

⁴ Omuntu ali ng'oti muuka buuka gwa mu nhindo; enaku edh'obulamu bwe dhiri ng'oti kinsense ekibita obubite.

Zabbuli 144:4 ပူးပေါင်းရင်းမြစ်များ

2 Samueli 14:14

Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

Yobu 4:19

memale obwo waalowooza oti aneesiga abantu abakolebwa mu itaka, abali ng'oti nkungu era b'asobola n'okuniantula ng'oti bisiisa.

Yobu 8:9

Kuba obulamu bwaife bumpi, tuzira kye twidhi; enaku dhe tumala ku nsi, dhiri ng'oti kinsense ekibita obubite.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 109:23

Ndi kuwaagho ng'oti n'ekinsense ekyeigulo ng'endhuba egwire, era baamansulira bw'ere ng'oti nzige.

Zabbuli 39:11

Iwe okangaivula omuntu ng'omudhuuka olw'ebibi bye, era omuntu ky'atwala okuba eky'omughendo iwe okizikiriza, ng'oti n'ekintu ekiriiriibwa ekisiisa. Bwenebwene buli muntu muuka buuka gwa mu nhindo!

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 1:2

Ghazira kintu kiri na muganhulo, bwenebwene ebintu byonabyona biziramu muganhulo naire.

Omulangirizi 12:8

Omulangirizi akoba ati Ghazira kintu kiri na muganhulo, bwenebwene ebintu byonabyona biziramu muganhulo naire.

Omulangirizi 8:13

Aye aboonooni tibaidha kubanga bukalamu, era obulamu bwaibwe bwidha kubanga bumpi ng'oti n'ekinsense bwe kitalwagho, kuba tibatya Katonda.