Zabbuli 144:15 - Baibuli Ekibono kya Katonda 2014

¹⁵ Beesiimye abo abali mu mbeera ng'oti n'eyo. Beesiimye abali ni Musengwa Katonda nga ni Katonda waibwe!

Zabbuli 144:15 ပူးပေါင်းရင်းမြစ်များ

2 Ebyomubyanda 31:8

Agho Hezekia n'abakungu be bwe baidha ni babona emungo edho, beebaza Musengwa Katonda, era beebaza n'abantu be Abaisiraeli.

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 65:4

Wa nkabi oyo y'olonda n'omuseesa okumpi n'iwe, abenga mu kifo kyo ekitukuvu. Bwe tufuna ebirungi eby'omu ndhu yo, ni tufuna n'enkabi edhiva mu isinzizo lyo eitukuvu, titudhulirira kindi.

Zabbuli 89:15

Wo Musengwa Katonda, nga ba nkabi abo abakukubira emizira, ni batambula nga bagonzi y'oli.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”