Zabbuli 144:1 - Baibuli Ekibono kya Katonda 2014

¹ Musengwa Katonda asaakibwe, oyo ankuuma n'andhegeresa okulwana entalo.

Zabbuli 144:1 ပူးပေါင်းရင်းမြစ်များ

2 Samueli 22:35

Andhegeresa okulwana olutalo, naasobola okukozesa akalaso kale keene ak'ekyuma eky'ekikomo.

2 Bakyabazinga 13:16

Elisha yaakoba Yehoashi kyabazinga wa Isiraeli ati: “Dhuumuula akalaso.” Kyabazinga yaakadhuumuula. Elisha yaata emikono gye ku mikono gya kyabazinga.

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 18:3

Ndirira Musengwa Katonda okumbeera, era yaidha yamponia abazigu bange Agwaniire okusaakibwanga.

Zabbuli 18:31

Ghazira Katonda wundi okutoolaku Musengwa Katonda; ghazira lubaale lundi lwa kwewogomamu okutoolaku Katonda waife oyo.

Zabbuli 18:34

Andhegeresa okulwana entalo, naasobola okukozesa akalaso kale keene ak'ekyuma eky'ekikomo.

Zabbuli 18:35

Iwe Musengwa Katonda onkuuma era wandokola. Amaani ag'omukono gwo omusaadha gambeera mu bye nkola, era olw'okumbeera kwo ndi mukologho.

Zabbuli 60:12

Kasita Katonda n'aba ku luuyi olwaife twidha kuba ba maani; kuba oyo n'aja okutyankirira abazigu baife boonaboona.

Zabbuli 71:3

Nfuukira olubaale olw'okwewogomamu, era ombeere ekimante ekigumu ekineezungulwire eky'okumponia; kuba oli ng'oti lubaale era ng'oti kimante kigumu mwe neewogoma.

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

2 Ab'e Korintho 10:4

Eby'okulwanisa mu lutalo lwaife ti bya nsi, aye n'ebyo ebiri n'amaani ga Katonda okuzikiriza amaani ag'omuzigu.