Zabbuli 142:4 - Baibuli Ekibono kya Katonda 2014

⁴ Nninga eno n'ere mbone munange, aye nga ghazira andiku naire, ghazira ye naalumukira, era ghazira muntu yeenayeena anfaaku.

Zabbuli 142:4 ပူးပေါင်းရင်းမြစ်များ

Yobu 11:20

Aye ababi baidha kumagamaganga, babulwe obulumukiro. Eisuubi lyaibwe liri mu kufa.”

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 140:6

Nze nkoba Musengwa Katonda nti: “Niiwe Katonda wange.” Wo Musengwa Katonda, wulira bye ndi kukusaba, onhambe.

Zabbuli 141:9

Nkuuma ndobe kugwa ku mutego gwe banteze, era omponie ndobe kugwa mu lutuula olw'abakozi b'ebibi abo.

Zabbuli 143:4

Kale amaani gampoiremu naaweeramu irala eisuubi.

Zabbuli 31:11

Abazigu bange boonaboona bambona nga ndi kiwooboloolo; ab'oku muliinaano baaneenhinhata; bakagwa bange bantya era abambona mu nguudo baanumuka.

Zabbuli 69:20

Banvumye bankutula n'omwoyo, buti n'eisuubi nzira. Nanoonia anansaasiraku yambula; naanoonia anandhizaamu amaani, yambula.

Zabbuli 88:18

Ondeeteire bakagwa bange abangonza einho okuneesamba, era buti enzikiiza ni munange yenka ye nasigaza.

Zabbuli 88:8

Ondeeteire ab'emikwano okuneesamba; wanfuula ekintu ekyenhinhalwa ye bali. Nsibiirwa aghantu ghe ntasobola waire okweiba.

Yeremia 18:22

Basindikire eikuukuubira ery'abanhazi libazinduukirize libagweku, olwo bawowoole mu ndhu dhaibwe; kuba basimye ebiina mbigwemu, bantega n'emitego gingemye.

Yeremia 25:35

Muzira ghe mulirumukira imwe abakulembeze, waire okubaaku ghe muliwonera imwe abalabirira abantu.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yona 2:8

Abo abasinza ebitali Katonda ebitagasa, beefiiriza beene obusaasizi bwo.

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

2 Timotheo 4:16

Lwe neewozaaku olwasooka ghazira yali ku luuyi lwange, boonaboona bandekulira agho. Aye Katonda mmusaba alobe kubalanga ekyo!

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”